Simba yaweka ngumu kwa Kibu

Ni kesho kutwa SIMBA DAY na SIKU YA WANANCHI usikose kutazama sherehe hii LIVE bure kupitia simu yako download app yetu mapema ili uweze kuitazama na mechi ya kirafiki itakayo chezwa siku hiyo kudownload app yetu bonyeza 👉🏻HAPA

Baada ya kuondoka bila ya ruhusa ya uongozi na kutimkia Ulaya, klabu ya Simba imezuia usajili wa winga Kibu Denis kujiunga na Kristiansund BK ya Norway, imefahamika

Taarifa kutoka ndani ya uongozi wa Simba imethibitisha kuwa Wekundu hao wa Msimbazi wako tayari kumuuza Kibu kwenda Kristiansund BK lakini kwa sharti la mchakato huo kufanyika Kibu akiwa nchini

Simba imegoma kutoa baraka zake kwa mchezaji huyo kuitumikia Kristiansund BK na hivyo kuilazimu timu hiyo kuachana na mchakato wa kumsajili hadi pale atakapomalizana na Simba

Aidha kitendo alichofanya Kibu kutojiunga na kambi Misri na kutorokea Ulaya wakati uongozi ukifanya jitihada za kumpeleka Misri, kimewakera mabosi wa Simba na pengine kuna uwezekano mkubwa hatakuwa sehemu ya kikosi msimu ujao

Simba itakuwa tayari kumuuza kwenda Norway kama atatii agizo la kurejea nchini lakini kama hatatii ni wazi hataweza kusajiliwa na timu yoyote mpaka pale mkataba wake utakapomalizika 2026

Lakini pia atakuwa hatarini kukumbana na rungu la FIFA kwa kosa la kuvunja mkataba kinyume cha utaratibu kama ataendelea kosekana kutumikia mkataba wake na Simba