Robertinho awekwa kati na mashabiki

Pata 50,000 BURE Kila Siku Bonyeza HAPA

Ajira Mpya zilizotangazwa leo Bonyeza HAPA

Msimamo wa ligi kuu Tanzania Bonyaza HAPA

 

Pamoja na kuwa Simba bado haijafanya vibaya chini ya kocha Robertinho Oliveira lakini presha imeanza kuwa kubwa mashabiki wakionyeshwa kutoridhishwa na mbinu zake

Msimu huu Robertinho ameiongoza Simba kushinda Ngao ya Jamii mkoani Tanga na pia ameshinda mechi mbili za ligi kuu ambazo Simba imecheza mpaka sasa

Mchezo wake wa kwanza kuwania tiketi ya kutinga makundi ligi ya mabingwa ukamalizika kwa matokeo ya sare ya mabao 2-2 ugenini nchini Zambia

Hayakuwa matokeo mabaya kwa Simba hasa ikizingatiwa mchezo huo umechezwa ugenini lakini ambacho hakikuwafurahisha mashabiki ni kiwango kilicho-onyeshwa na timu yao hasa kwenye kpindi cha kwanza

Msimu uliopita Simba ilikuwa na kikosi finyu, msimu huu mambo ni tofauti, kikosi kimekamilika hivyo ni wazi timu inapokuwa haifanyi vizuri lawama zinakwenda kwa kocha na benchi lake la ufundi

Hofu ya baadhi ya mashabiki ni kuwa pengine Robertinho hawatumii wachezaji wake alionao ipasavyo, lakini mwisho wa siku yeye ndio kocha, anajua amtumie mchezaji gani katika mbinu zake

Ni wazi Robertinho sasa anaweza kuwa kwenye wakati mgumu kwani anapaswa kuhakikisha Simba inashinda mchezo unaofuta kwenye ligi kuu na pia kuhakikisha Simba inatinga hatua ya makundi ligi ya mabingwa

Kama Simba itakosa ushindi katika moja ya mechi hizi mbili zinazofuata, presha itakuwa kubwa zaidi kwake na inaweza kwenda kuamua hatma yake

Simba imejiwekea malengo msimu huu, inataka kurejesha mataji yote ya ndani waliyopoteza kwa misimu miwili lakini pia angalau kucheza nusu fainali ya ligi ya mabingwa barani Afrika

Hofu ya Wanasimba iko huku kwenye michuano ya Kimataifa, lakini mpaka sasa tunaweza kusema bado Robertinho yuko kwenye njia sahihi kwa sababu timu yake haijafanya vibaya